CHALINZE DC FC YAANZA MAANDALIZI YA SHIMISEMITA 2023


Timu ya Mpira wa Miguu ya Halmashauri ya Wilaya ya Chalinze imeanza kujiandaa na mashindano ya SHIMISEMITA kwa kucheza mechi mbalimbali za kirafiki ikiwemo mechi ya leo ambapo timu ya Chalinze Dc imepoteza kwa magoli  8-4  dhidi ya Azam Veterani katika uwanja wa Azam Compex,Chamanzi.

Akizungumza mara baada ya mchezo wa kirafiki Mbaraka Shabani (Cantona)ambaye ni Mwenyekiti wa Timu ya Azam Veterani amesema kuwa wamefurahishwa na ujio wa Chalinze DC FC kwani mpaka hivi sasa pande mbili hizo zimekuwa kama ndugu.

" Nimefurahishwa na ugeni wenu kwani sasa tumekuwa kama ndugu naamini mmejifunza mengi lakini pia hata sisi tumejifunza mengi sana kwani mpira mnaujua  na najua hamkutarajia kutowakuta veterani wenyewe hii ni kutokana na Timu yetu ya Azam Fc kusafiri kwenda Dodoma na viongozi ambao ndio wachezaji wetu hivyo basi niwakaribishe tena siku nyingine kwani mechi hizi za kirafiki zinatuandaa vyema kiafya na hata kimichezo".Amesema Ndg.Mbaraka Shabani.


Aidha uongozi wa Klabu hiyo umemshukuru Mkurugenzi Mtendaji wa Halmashauri ya Wilaya ya Chalinze Ndg. Ramadhani Possi kwa kuhakikisha timu ya Chalinze DC inashirikiana vyema na timu ya Azam Veterani na kuahidi kufika katika Ofisi za Halmashauri na kuonana nae ili waweze kuanzisha mashirikiano mazuri zaidi katika michezo.

Nae Afisa Habari Msaidizi wa Halmashauri ya Wilaya ya Chalinze Ndg.Sama Lucian  ameushukuru uongozi wa Azam kwa mapokezi mazuri na kuahidi kuendeleza ushirikiano baina ya taasisi hizi mbili kwa upande wa Serikali na taasisi binafsi.


"Kwanza kwaniaba ya Viongozi wa Halmashauri nitoe shukrani zangu za dhati kwa ukaribisho mzuri katika Taasisi hii ya Azam tumefurahishwa na mapokezi yao mazuri sisi tuahidi tu tutaendelea kuwa karibu siku zote  na kudumisha ushirikiano zaidi na pia tunawakaribisha sana Halmashauri ya Chalinze  kuja kututembelea muda wowote.Amesema Ndg. Sama.


Nae Kocha Mkuu wa Kikosi cha Chalinze Dc FC Mwl.Julius Jeremiah amesema kuwa kwasasa timu ya Halmashauri itaendelea kupata mechi za kirafiki kwa wingi ili kujijenga zaidi na kuijengea uzoefu zaidi katika mashindano ya mbeleni hasa ya SHIMISEMITA kwani ndio lengo kubwa.



Comments

Post a Comment

Popular posts from this blog

DC-OKASH,KAMATI YA USALAMA WAFANYA ZIARA VIWANDANI CHALINZE

Image
Mkuu wa Wilaya ya Bagamoyo Mhe.Halima Okash pamoja na Kamati ya Ulinzi na Usalama amefanya ziara katika maeneo ya uwekezaji na Viwanda vilivyopo Halmashauri ya Wilaya ya Chalinze Mkoani Pwani Pwani kwa lengo la kuona Mafanikio,uendeshaji na Changamoto mbalimbali wanazokutana nazo ili kuweza kuzitatua ili kuweka mazingira salama kwa wawekezaji. Akizungumza katika Ziara hiyo Mhe.Okash amewapongeza wawekezaji hao kwa Uwekezaji Mkubwa wanoufanya katika Halmashauri ya Chalinze kwani ni manufaa kwa Halmashauri,Wilaya,Mkoa na hata Taifa kwa ujumla pamoja na jamii inayowazunguka pamoja na kuwaahidi kuzifanyia kazi changamoto wanazokumbana nazo ili kuendelea kuwawekea Mazingira rafiki katika Uwekezaji . “Niwapongeze wawekezaji hasa kwa uwekezaji Mkubwa mnaoufanya kwani haya ni maendeleo makubwa kwa Taifa kwani Tanzania sasa tunaouwezo mkubwa wa kutumia bidhaa za ndani na kuzisafirisha mpaka nje ya nchi na niwaahidi sisi kama Serikali tutazifanyia kazi Changamoto zote ili muwe na Mazingira rafik...
Read more

TAASISI YA BLUE CARBON UAE NA SERIKALI YA TANZANIA WAMETIA SAINI MKATABA WA MAKUBALIANO

Image
 Taasisi ya Blue Carbon UAE na Serikali ya Tanzania kupitia Wakala wa Huduma za Misitu Tanzania (TFS) wametia saini Mkataba wa Makubaliano kuanza kwa ushirikiano wenye lengo la kukuza usimamizi endelevu wa misitu na kupunguza ukame.   Waziri wa Nchi Ofisi ya Makamu wa Rais (Muungano na Mazingira) Mhe, Dkt. Selemani Jafo amesema biashara ya kaboni itasaidia kuleta fursa nyingi hapa nchini na kusaidia kuhifadhi mazingira. Amesema hayo mara baada ya hafla ya kusainiwa kwa hati ya makubaliano ya uhusiano kati ya Wakala wa Huduma za Misitu Tanzania (TFS) na Kampuni ya Blue Carbon kutoka Dubai. Hafla hiyo imeshuhudiwa na Mwanamfalme wa Dubai ambaye pia ni Mwenyekiti wa kampuni ya Blue Carbon Mhe. Sheikh Ahmed Dalmook Al Maktoum na Waziri Maliasili na Utalii Mhe. Balozi Dkt. Pindi Chana. Dkt. Jafo amesema kuwa hii ni mara ya kwanza kwa makubaliano hayo baada ya Ofisi ya Makamu wa Rais kwa kushirikiana na wadau mbalimbali kukamilisha uandaaji wa kanuni na mwongozo wa biashara ya kabin...
Read more

RC KUNENGE AFANYA ZIARA HOSPITALI YA WILAYA MSOGA

Image
Mkuu wa mkoa wa Pwani Mhe Abubakar Kunenge hii leo ameanya ziara maalumu katika hospital ya Msoga kwa lengo la kukagua na kuona maendeleo ya Jengo la dhararu la (EMD) Iliyopo katika hospital ya Msoga . Akiwa katika hospitali hiyo Mhe Kunenge alipata kuona maendelea ujenzi wa jengo la hilo la dharura ambalo ujenzi huo umekamilia kwa asimilia kubwa na kilichobaki ni umalizaji wa uwekezaji wa samani,Ujenzi wa majengo mbalimbali katika hospitali hiyo Pamoja na eneo linalotarajiwa kujengwa uwanja wa kisasa wa Mpira wa miguu. Katika ziara hiyo Mhe Kunenge alipata wasaa wa kusalimiana na kuzungumza na wananchi waliofika katika hospitali ya Msoga kupata huduma ambapo alisema alitembelea hospitali hiyo kuona maendeleo ya ujenzi lakini pia kuona namna huduma  zinazotolewa hospitalini hapo. ''Nimekuja kuona Maendeleo ya ujenzi wa jengo ya huduma za dharura lakini pia kuona jinsi utoaji wa huduma unavyoendelea na naamini ninyi ndiyo mtawaambia huduma ina ubora ama sivyo”.Amesema Mhe.Kuneng...
Read more